Joriy yil 7-iyun kuni Sirdaryo viloyati hududiy saylov komissiyasi majlisi bo‘lib o‘tdi. Majlis kun tartibiga muvofiq, 20-Paxtazor okrug saylov komissiyasining shaxsiy tarkibini tasdiqlash, O‘zbekiston Ekologik partiyasi, O‘zbekiston Xalq demokratik partiyasi, Tadbirkorlar va ishbilarmonlar harakati - O‘zbekiston liberal-demokratik partiyasi, O‘zbekiston "Milliy tiklanish" demokratik partiyasi hamda O‘zbekiston "Adolat" sotsial-demokratik partiyasi Sirdaryo viloyati kengashlariga bo‘shab qolgan o‘rin bo‘yicha xalq deputatlari Sirdaryo viloyati kengashi deputati saylovida ishtirok etishga ijozat berish to‘g‘risidagi masalalar o‘rin oldi.

Majlisda Sirdaryo viloyati hududiy saylov komissiyasi a’zolari tomonidan barcha masalalar yuzasidan muhokamalar olib borildi va tegishli qarorlar qabul qilindi.