Joriy yilning 7-oktyabr kuni Sayxunobod tumanidagi Ixtisoslashtirilgan maktabda Sirdaryo viloyatidagi tuman, shahar saylov komissiyalari raislari, rais o‘rinbosarlari va kotiblari uchun o‘quv-amaliyot mashg‘ulotlari bo‘lib o‘tdi.

Ishtirokchilarga saylov qonunchiligi, Saylov kodeksiga kiritilgan o‘zgarishlar yuzasidan tushunchalar berildi. Shuningdek, aralash saylov tizimining o‘ziga xos xususiyatlari, ovoz berish kuniga tayyorgarlik, xalqaro va mahalliy kuzatuvchilar hamda vakolatli vakillarning huquq va majburiyatlari, ovozlarni sanab chiqish va natijalarni belgilash, saylov tizimidagi yangiliklar bo‘yicha batafsil ma’lumotlar berildi.

O‘quv mashg‘ulotlari saylov bo‘yicha maxsus qo‘llanma va videodarslardan samarali foydalangan holda savol-javob tarzida olib borildi